[b]daghang salamat sa mga ka-batch[/b]

Niining adlawa, nobyembre dise nuebe, dos mil otso nakahigayon ako sa pagduaw sa atong forum site ug sama sa naandan, subling nahi-ngangha sa milagrong gihatud sa modernong teknolohiya kanatong tanan. Ang pag-atubang sa realidad nga sa usa lamang ka pindot mamahimo na natong ipabarog ang tulay sa komunikasyon nagtukmod kanato sa pagsaludar sa mga ka-batch mates nga nagpasiugda ug nahimong instrumento sa pagmugna niining forum site alang sa batch '88. Sa pagkatinood, wala ako'y kasayuran kung kinsa o kinsa-kinsa ang angayan nakong pasalamatan sa pagkamugna niining moderno natong behikolo sa pagkulukabildo, apan buot ko pa gihapong magpadangat sa lalom, mabukalon ug puno sa senseridad kong mensahe nga" gikan sa kinauyukan sa akong kasing-kasing ug galamhan nagpasalamat ako ug dako sa inyong sakripisyo. Alang kanako kamo ang mga buhing bayani sa batch 1988".

Sayod kita nga duha na ka dekada ang milabay sukad gibiyaan nato ang holy cross ug nag-iniyahay ug kamas alang sa paningkamut sa kinabuhi. Sa gisalmutan tang lumba sa kinabuhi, dili ikalimod nga daghan kanato ang milampos. Dili usab mataktak ang realidad nga daghan kanato ang wala kaayo nagmalampuson sa lumba apan ang gikalipay ko lang, wala nahimong babag ang kapakyasan ngadto sa mga nahingtungdan inay nahimo pa kining rason sa padayon nilang paningkamut sa matag adlaw.
Sabagay ana ra man gyud di ba? sama sa lumba, sa bugno sa paningkamut duha ra man gyud ang padulngan, mulampos o dili. apan dili angayang mag-lunga sanglit ibabaw ning kalibutan walay bisan usa ka butang nga magpabiling permanente, ang tanan gikinahanglan gayung mausab, magbag-o kay wala may permanente sa kalibutan. Alang sa mga napakyas, maayong balita kini. nagbuot pasabot kini ug makanunayong paningkamut ug pag-ampo sa labawng makagagahom aron makab-ot nato kung unsa man gyud tong gikahinaman sa atong kasing-kasing. alang sa mga milampos na, usa kini ka dakong pahimangno. dili angayang mulukmay na lamang sa paningkamot sanglit luyo sa kadaugan, nagbansiwag usab ang kapakyasan.

Kitang tanan hapit na mag-kwarenta ang pangidaron. sa maong gidaghanon sa panahon nga gitugutan kita sa labawng makagagahom nga makapuyo dinhi sa kalibutan, upat ka tuig lamang ang nahimong taytayan sa relasyon ngadto sa usa'g-usa kanato. Apan ang upat ka tuig nahimong nindot nga behikolo sa panag-uban, sanglit nahimo kining instrumento nga mas nilig-on pa ang atong panaghigalaay, ang atong pagka-kita. Kadtong upat ka tuig sa highschool maoy nagsemento sa tagsa-tagsa nato ka relasyon. mao kini ang numero unong rason nganong hangtud karon gikihinaman pa gihapon nato ang matag usa ug padayong kahinaman hangtud sa panahon nga kita mahimo nang apohan, mawad-an na sa batan-ong kusog, manga-ipo na ang ngipon ug hinay-hinay na nga mahimong puti ang bulok sa atong mga buhok. Akong gi-ampo ug hugot nga ang atong panag-uban ug panaghigala mulungtad ug dili na mapapas.

Una ako manamilit sublion ko ang dakong pasalamat sa batch mates nga nagmugna niining forum site. Kamo ang among mga buhing bayani, sanglit gibuhi ninyo ang relasyon natong tanan nga naglangkub sa Holy Cross Academy of Sasa Batch 1988. Daghang salamat! Hangtud sa sunod higayon.

pagkalalom ba sa imong words nga gigamit......... maglisud man sad ko og tungkad......hay!!!!! mubo man gud ko

hahahaha (nose bleeds)

unta daghan pa makabalo ani nga site hehehe

naminyo ka na weng? sorry ha but I have to ask, unsa gani to'y apelyido nimo sa dalaga pa?

pastilan. ka lalum.

hehehehe tawa nalang ko...

1st paragraph pa lang akong na decipher Cyclone. Sa imong pangutana nga.....

"... sa pagsaludar sa mga ka-batch mates nga nagpasiugda ug nahimong instrumento sa pagmugna niining forum site alang sa batch '88. Sa pagkatinood, wala ako'y kasayuran kung kinsa o kinsa-kinsa ang angayan nakong pasalamatan..."

Si Shit happen imo pasalamatan!

Ugma na pud nako hinay-hinayon ug basa ang uban nga paragraph.

Hi to all.

pasalamatan tanan kay kung wala mo mingaw ni nga site weheheheh

cyclone wrote:

naminyo ka na weng? sorry ha but I have to ask, unsa gani to'y apelyido nimo sa dalaga pa?

oo, minyo nako........ nakailad man gud ko:lol: .......y:?: ask ka sa akong apelyido........ no idea ka kung kinsa ko? ...... kalimot na d i ka sa ako Dong? ay! sir pala

Grabeee... gihilantan ko ug basa sa imong linya sir!

wala ko kalimot nimo weng oi, nakalimot lang gyud ko sa imong apelyido kaniadto, hehehehehehe. tsuriiiiiiiii!

atay! mawala ko magbasa dong, nagbalik balik sa ako panan-aw ang mga pulong..

kadali trapo sa ko ilong kay na sunggo nko binasa....ugma na pud

Ulahi na tanan kay dodong atillo. karon lang sya kahibalo naay internet. Actually, dong iniduro nalang gyud ang wala nabutangan og internet kay mag lisod og taod sa keyboard.

Og nganong nangita ka sa dapat pasalamatan. Asa diay ka atong higayuna na nag meeting ta sa videoke atbang sa victoria?

Klaro kaayo ang conclusion na mag mugna ta og forum site.

Kung wala ka kahibalo sa apelyido ni rowena, why not open the year book. Dyos meo, ibig sabihin nyan kwurenta ka na.